Sveppir og skýrslugerð

Fuglar og ferðalög

Síðasti formlegi kennslutíminn í náttúrufræði á þessu starfsári.  Nú tekur við skógarvinna það sem eftir er af vikunni, námsmat og ferðalög.

Notum tímann og skoðum fréttir og flækingsfugla.  Pælum í hvernig fuglar aðlagast flugi og náttúrufyrirbærinu eggi.

Getum reynt okkur við Hreiðurgerð

Kynning sett inn á flipgrid eða kynnt í tíma.

Vettvangsferð í Flúðasveppi.  Fáum leiðsögn hjá Eiríki Ágústssyni.  Nemendur spyrja spurninga og punkta hjá sér upplýsingar um ræktunarferli sveppanna ásamt fleiru.  Þegar við komum til baka í skólann verður tíminn notaður til að skrifa skýrslu um ferðina.  Hægt verður að nýta tölvuverstíma á fimmtudag til að klára skýrsluna.

Við frestum útikennslu sem átti að vera í dag……það er bara of blautt og kalt.

Þess í stað verðum við inni og nú verður tekist á við þrautir í tölvu eða breakoutedu verkefni. 

Þið vinnið fjögur saman og leysið þrautir – tíminn er skammtaður og nú reynir á. Í boði eru tveir léttir leikir

 Spring has sprung!

 Field day fun

Og’s adventures

Zombie outbreak

 

 

Fuglar

Verðum á vappi upp í skólaskógi og um Flúðir. 

Hlustum eftir hljóðum fugla. 

Kíkjum og greinum. 

Spáir ekki vel fyrir okkur?

Allir að mæta með kíki, kannski myndavél og ekki væri nú verra að hafa handbók í töskunni 😉 Sjáumst…

Prófið tekur tvær kennslustundir og verður leyfilegt að nýta hjálpargögn, bækur, glósur nemenda og veraldarvef.  Nemendur hafa aðgang að tölvuveri, fartölvum og spjaldtölvum. Prófið er einstaklingsverkefni.   Skila skriflega á blaði eða í tölvupósti – hvað sem ykkur hentar best. 

Þið dragið spurningar úr ákveðnum flokkum (ekki er hægt að skila spurningum sem hafa verið dregnar ;/) Það eru því ekki allir nemendur með sömu spurningarnar. Flokkarnir eru sjö og þið eigið að svara fimm spurningum – það má því sleppa tveimur spurningum sem voru dregnar.

Spurningarnar eru hér:  Prófspurningar

Gangi ykkur vel.

Berserkjasveppurinn (Amanita muscaria)

Sveppir eru mismunandi að stærð, útliti og lit. Þeir eru ófrumbjarga, afla sér fæðu með því að seyta efnum sem leysa upp vefi lifandi eða dauðra lífvera og taka til sín uppleystu næringarefnin. Margir sveppir eru sundrendur og nýta sér leyfar lífvera, meðan aðrir lifa í samlífi við aðrar lífverur. Til eru einfruma sveppir en flestir eru fjölfruma. Þeir eru gerðir úr þráðum sem kallast sveppaþræðir og fjölga sér með gróum sem myndast í sérstökum líffærum sem kallast sveppaldin.

•  Fjölbreytileiki sveppa
• sveppalíffræði Ágúst H. Bjarnason
• Vísindavefurinn um sveppi.
• Ríki sveppa
• Furðuleg fyrirbæri
• Sveppasýkingar doktor.is  ………   Sveppir sem valda ofskynjunum

Svo færum við okkur út í blíðuna – stutt ferð um Flúðahverfið – árið er 2518.

Ferðasögur eru af ýmsum toga.  Ein þekkt aðferð er frá frumbyggjum Ameríku að skrá ferðlagið á sprek eða grein. Ferðasprekið felur í sér að á greinina eru festir hlutir og vafið með garni í mismunandi litum. Hver hlutur og litur táknar ólíka reynslu, upplifun, tilfinningar og hluta af leiðinni.

Það sem þarft er stutt grein/sprek, gott að hafa mislitt garn í vasanum og svo er bara að skella sér í leiðangur og opna hugann fyrir umhverfinu.  Að leiðarlokum er komið að sögustund.  Setjum ferðasöguna inn á flipgrid

Nú reynir á sköpun og skilningsvit.

• verum vakandi
• skoðum flóru og fánu
• hlustum og upplifum
• notum hugmyndaflugið

Notum tímann til að klára skýrslu úr tilraun síðasta þriðjudag.

HVAÐ ER SVONA MERKILEGT VIÐ FUGLANA? 

ER EGG EITTHVAÐ SÉRSTAKT FYRIRBÆRI? 

HVAÐ ER FJÖÐUR? 

SKOÐUM FRÆÐSLUMYND UM FUGLA 
quizup um íslenska fugla

• Finkur velja kyn unganna
•  Hvernig mynda fuglar eggjaskurn?
•  Þrisvar til tunglsins og til baka aftur
• Af hverju þróuðu fuglarnir gogg?

KÍKJUM Á FUGLAKORT OG GREININGARBÆKUR.

Opnum fuglavef frá Menntamálastofnun

 SKOÐUM FUGLAMYNDIR OG HLUSTUM Á FUGLAHLJÓÐ.

og svo er hægt að prófa að flokka….   og aðeins meira hér

Sýni úr Litlu-Laxá og Hellisholtalæk.  Mjög mikið líf og fjör í sýnum.  Ætlast er til að þið vinnið góða skýrslu úr þessari tilraun með fræðilegum inngangi, ljósmyndum eða teikningum, tegundagreiningu (muna latnesk heiti) og góðri samantekt.   

Hvað einkennir grænþörunga?  (vísindavefurinn)

Skila á skýrslu og vinna við hugtakakortin.  

Hópar skila skýrslu bæði útprentuðu eintaki og eins stutt kynning og samtal við kennara.  

Hugtakakortið er einstaklingsvinna.  Allri hafa valið sér hugtak og sumir eru byrjaðir að vinna í kortunum sínum.  Upplýsingar og matslista er að finna hér.

Hjálpargögn eru bækur af öllum stærðum og gerðum, veraldarvefurinn og kannski glósurnar ykkar.  

Tölvuverið er opið.

Munið eftir sjálfstæðum og öguðum vinnubrögðum.

Þessa viku er áhersla á plöntur við nýtum okkur Plöntuvefinn og fræðumst um plöntuhluta og plöntugreiningu svo er hægt að skella sér smá athugun         

Hvaða plöntur þekkir þú? 

Svo skulum við greina nokkrar plöntur

• _{Hvaða munur er á berfrævingum og dulfrævingum?}
• _{Hvað eru blóm og könglar?}
• _{Hvernig æxlast plöntur?}

Enn og aftur kíkjum við á flokkunarfræðina. 

Hvað er þetta með frumveruríkið? Skoðum vefinn vistey.is  t.d. hverastrýtu-myndband en hvað eru hverastrýtur?

Fornbakteríur…….forn hvað?

Nearpod-kynning

Hvað eru svifþörungar og hvernig fjölga þeir sér?Hvert er hlutverk kalksvifþörunga og af hverju eru þeir svona mikilvægir?

VIÐFANGSEFNI FYRIR HUGTAKAKORTAVINNUNA.

   NEMENDUR VELJA SÉR VIÐFANGSEFNI FYRIR HUGTAKAKORTAVINNUNA

.Áhersluatriði og tímasetningar

Munið að tengja hugtakið við hin ólíku svið náttúrufræðinnar (jarðfræði, efna- og eðlisfræði, líffræði og umhverfisfræði), nýta örvar, liti, undirstrikun og skrifa á tengilínur.  

Kennari er ekki á svæðinu en þið eigið eftir að hafa nóg að gera 😉

Fyrst er að fara inn í tölvuver og taka nokkrar æfingar í Sense-lang u.þ.b. 20 mínútur.

Síðan eru það spjaldtölvuverkefni og byrjum á Plöntuvefnum skoðið hinar ýmsu plöntur, skrifið í notes hverjar þið þekkið þegar. Kíkið á hvað þarf til plöntugreiningar og reynið svo fyrir ykkur í eins og einum leik.

Að lokum á að sækja ferðasprekið frá í gær og koma ferðasögunni inn á flipgrid.  Það þarf að sýna vel ferðasprekið og útskýra liti og hvers vegna hitt og þetta er fest við sprekið. Ein og hálf mínúta til frásagnar.

Gangi ykkur nú allt í hag………Sjáumst!

Kennari ekki á svæðinu.

Síðasti tíminn til að klára skýrslu úr tilraun.

Gera vel og gera betur….

Þeir sem eru búnir geta valið sér hugtak og byrjað að undirbúa kortagerð.

 

Gangi ykkur sem allra best.

Hittumst í skóginum og allir með ferðasprekið sitt.

Pælum í fortíð og framtíð.  Framkvæmum, sköpum og skipuleggjum.

Áherslur á…

• …náttúrulega ferla, hringrásir efna og flæði orku.
• …framleiðslu, dreifingu og nýting orku.
• …þarfir lífvera í vistkerfum og samspil manns og náttúru.