Hlekkur 8

Líffræði og útikennsla.

Síðasti hlekkur ársins frá 10. apríl og til skólaloka.

Nú eru það lífvísindi og sitthvað líkt og ólíkt sem bekkirnir fást við:

• 5. bekkur verður með útgáfustarfsemi. Þau vinna skógarbók – einstaklega skemmtilegt, frumlegt og náttúrulegt verkefni þar sem þau fylgjast með vorinu í skóginum.
  
• 6. bekkur heldur veðurdagbók, framkvæmir mælingar og stundar pælingar því tengdu.
• 7. bekkur vinnur að verkefnum tengdum líffræði mannsins, meðal annars meltingu, þveiti, kynþroska og öldrun.
  
• 8. bekkur fer yfir skipulagsstig lífvera, efnin í þeim og ýmislegt fleira á þeim nótum. Vegna fjölda áskorana verður úti-vísindavaka í maí ;)
  
• 9. bekkur tekur fyrir líffræði frumvera, sveppa og hryggleysingja – skoðum líka fugla og tré.
• 10. bekkur nýtir þessa síðustu önn til að klára ýmsa námsþætti samkvæmt námsskrá og svo mögnuð upprifjun fyrir lokaprófið sem verður um miðjan maí.

Allir bekkir stunda námið mikið til utandyra þessar síðustu vikur skólaársins. 

Við nýtum okkur skólaskóginn og nærumhverfi skólans. 

Munið að koma vel klædd í útikennsluna – skjótt skipast veður í lofti.

Síðast uppfært: Mánudagur, 30. apríl 2012 15:35

Gleðilega páska

Gleðilega páska

Hlekkur 7

Hlekkur 7

23. febrúar - 23. mars

Þemaverkefni Þjórsá

Næstu vikur – fram að árshátíð og páskafríi leggjum við áherslu á uppsveitirnar og vatnasvæði Þjórsár.

Nálgumst viðfangsefnið frá ýmsum hliðum og ferðumst frá upptökum til ósa, fræðumst um jarðfræði, líffræði, eðlisfræði og tengjum umhverfi.

Við skiptum þessu niður á 4 vikur.  Fyrstu vikuna áhersla á jarðfræðina, þá næstu tengjum við lífríkinu, þriðju vikuna verður eðlisfræði og meðal annars virkjanir til umfjöllunar og endum svo á umhverfisfræðslu og framtíðarsýn. 

Nemendur í 10. bekk unnu svipað verkefni þegar þeir voru í 8. bekk og því nýtum við tímann þessa síðustu önn til að klára ýmsa námsþætti samkvæmt námsskrá og förum yfir áhersluatriði í námsefni unglingastigs.

Hlekkur 6

Eðlisfræði - bylgjur og rafmagn

Næstu vikur verður áhersla á eðlisfræði.  Hugtök tengd bylgjum, hljóði og ljósi til umfjöllunar en einnig verða sumir bekkir að glíma við varma og rafmagn.

Hlustið og skoðið…..sígild tónlist flutt á glas-hörpu.